| કમ્પ્યૂટરની ઘાસની ગંજીમાંથી સોય શોધો, પલકવારમાં! |
 |
 |
| સાયબરસફર - ગૂગલ ગિફ્ટસ | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Written by હિમાંશુ કીકાણી | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
જી હા, જેમ ગૂગલ ઇન્ટરનેટ પરનાં અસંખ્ય વેબપેજીસમાંથી તમને જોઈતાં પેજ શોધી આપે છે, બરાબર એ જ રીતે, તમારા કમ્પ્યૂટરમાં પણ સર્ચ કરવાની સગવડ કરી આપી છે ગૂગલે - ગૂગલ ડેસ્કટોપ સર્ચ સ્વરૂપે. આમ તો, તમારે તમારી કોઈ ફાઇલ તમારા ડેસ્કટોપ પર સ્ટોર કરવી ન પડે, બધું જ ઓનલાઇન રહે અને ગમે ત્યાંથી એક્સેસ કરી શકાય એવી સ્થિતિ લાવવાની દિશામાં ગૂગલ કંપની આગળ વધી રહી છે, પણ એ દિવસો આવે ત્યાં સુધી આપણી લાઇફ ઇઝી કરવાની કૃપા પણ ગૂગલે કરી આપી છે. વિન્ડોઝમાં તમારા કમ્પ્યૂટરમાં સર્ચ કરવાની સુવિધા ઇનબિલ્ટ તો છે જ, પણ એમાં આ ગૂગલ ડેસ્કટોપ જેવી મજા નથી.
અમદાવાદમાં કેવાંક વાદળાં છવાશે એ જાણો, રેલ્વે ટિકિટની પીએનઆર સ્ટેટસ જાણવાનું રમકડું ગોઠવો, ડિક્શનરી ગોઠવો... વર્ચ્યૂઅલ ફૂલનું કૂંડું ગોઠવી એમાં પાણી પાઓ અને ફૂલને ખીલતું જુઓ... આ બધું જ રહેશે તમારા ડેસ્કટોપ પર, તમારી આંગળીના ઇશારે કામ કરવા તત્પર બનીને.
એવું તે શું છે ગૂગલ ડેસ્કટોપમાં એ જાણવા માટે પહેલાં પહોંચો ગૂગલ ડેસ્કટોપની સાઇટ પર (થોડી ધીરજ તો ધરો, આટલું પહેલાં પૂરું વાંચી લો!). એ પેજ પરથી ફક્ત એક ક્લિક કરીને ગૂગલ ડેસ્કટોપનો નાનકડો પ્રોગ્રામ ડાઉનલોડ કરી ઇન્સ્ટોલ કરો. હવે તમારે કશું જ કરવાનું રહેતું નથી. ગૂગલ ડેસ્કટોપ તમારા કમ્પ્યૂટર પરની તમામ માહિતીનું ઇન્ડેક્સિંગ કરશે. તમે કમ્પ્યૂટરની દયા ખાધી હોય તો ઠીક છે, પણ એમાં ઠાંસોઠાંસ માહિતી ખડકી હોય તો આ પહેલી વારના ઇન્ડેક્સિંગમાં કલાકો લાગી શકે છે.
એ કામ પૂરું થાય તે પછી, બિલકુલ ઇન્ટરનેટની જેમ, સર્ચબોક્સમાં એક-બે શબ્દ લખીને તમે કમ્પ્યૂટર પરની જુદી જુદી ફાઈલ, કોન્ટેક્ટ્સ, જોયેલાં વેબપેજીસ, ઇ-મેઇલ વગેરે વગેરે ઘાસની ગંજીમાંથી સોય શોધવાનું કામ પલકવારમાં કરી શકશો.
ગૂગલ ડેસ્કટોપની બીજી મજા તેના ડેસ્કટોપ સાઇડબારમાં છે. વિન્ડોઝ વિસ્ટામાં આવો સાઇડબાર પ્રીઇન્સ્ટોલ્ડ હોય છે, વિન્ડોઝ એક્સપી વાપરતા હો તો ગૂગલ ડેસ્કટોપની મદદથી તેની સુવિધા માણી શકાય છે (ગૂગલ ડેસ્કટોપ અને માઇક્રોસોફ્ટની લડાઈ હવે આપણા ડેસ્કટોપ પર પહોંચી ગઈ છે!) વિસ્ટા હોય તો પણ ગૂગલ ડેસ્કટોપ વાપરી શકાય છે. આ
સાઇડબારમાં, અસંખ્ય નાનાં નાનાં પણ કામઢાં રમકડાં (ગેજેટ્સ) ઉમેરી શકાય છે.
જેમ કે મથાળે જૂના જમાનાની ઘડિયાળ મૂકો, નાની નાની વાતની નોંધ કરવા પૅડ મુકો, કેલેન્ડર ઉમેરો, તમારા ઇમેઇલ અહીંથી જ ચેક કરો, અમદાવાદમાં કેવાંક વાદળાં છવાશે એ જાણો, રેલ્વે ટિકિટની પીએનઆર સ્ટેટસ જાણવાનું રમકડું ગોઠવો, ડિક્શનરી ગોઠવો... વર્ચ્યૂઅલ ફૂલનું કૂંડું ગોઠવી એમાં પાણી પાઓ અને ફૂલને ખીલતું જુઓ... આ બધું જ રહેશે તમારા ડેસ્કટોપ પર, તમારી આંગળીના ઇશારે કામ કરવા તત્પર બનીને.
ઉપયોગી છે, પણ જરા સંભાળજો, જાતભાતનાં રમકડાં ગોઠવવાની આદત પડશે તો તમારું કામ ખોટી થશે!
તો ટ્રાય કરી જુઓ ગૂગલ ડેસ્કટોપ સર્ચ !
 Tags:
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
ગમતાંનો ગુલાલ!
સાયબરસફર તમને ગમે છે? તો એની ભલામણ કરો મિત્રો અને સ્વજનોને. ટેલ-એ-ફ્રેન્ડ સર્વિસની મદદથી તમે તમારા વિવિધ ઇમેઇલ, બ્લોગ કે સોશિયલ નેટવર્કિંગ સાઇટના યુઝરનેમ, પાસવર્ડથી લોગ-ઇન થઈને તમારા કોન્ટેક્ટ લિસ્ટના અન્ય મિત્રોને સાયબરસફર વિશે જણાવી શકો છો.
|
માણો એપિકમાં
આ સાઇટ આપ એપિક બ્રાઉઝરમાં વધુ સારી રીતે જોઈ શકશો અને ગુજરાતી કમ્પોઝિંગ ન આવડતું હોય તો પણ ગુજરાતીમાં અભિપ્રાય કે કમેન્ટ આપી શકશો.
